Vlera e përmendjes së Allahut

Profeti (a.s) ka thënë: “Ndryshimi midis atij që e lartëson Allahun e Madhëruar dhe atij që nuk e kujton Atë, është si dallimi midis të gjallit dhe të vdekurit”.

Këtu Profeti (a.s) do të thotë që një njeri që nuk e përmend Allahun, megjithëse fizikisht është i gjallë, shpirtërisht është i vdekur dhe jeta e tij bëhet e pavlerë. Dijetari i madh i Hadithit, Imam Tirmidhiu, ka thënë: “Përmendja e Allahut njom zemrën dhe e zbut atë. Një zemër që nuk e përmend Allahun, bëhet e thatë dhe e fortë. Të gjitha pjesët e trupit bëhen të mpira dhe përmbahen nga nënshtrimi i Allahut, nëse përpiqeni t’i përkulni ato, ato do të thyhen si një copë druri i thatë, i cili mund të përdoret vetëm për zjarr”.

Gjithashtu Profeti (a.s) ka thënë: “Atyre që do t’u lejohet të hyjnë në Parajsë, nuk do të pendohen për asgjë në këtë botë, përveç kohës së shpenzuar pa përkujtimin e Allahut, në jetët e tyre”.