Sekreti i të mësuarit është përsëritja!

Jepi krahë lutjeve të tua…

Zgjohu në 1/3 e fundit të natës.

Rikujto fuqinë e Allahut dhe bujarinë e Tij, dhe më pas lavdëroje Atë për to. Ardhja jonë në jetë s’është gjë tjetër veçse dhuratë e pastër prej Tij. Ai s’ndryshon kurrë. Ai vazhdon gjithmonë të japë. Sekreti qëndron në lëvizjen e mendjes drejt fuqisë së Atij të Cilit po i kërkon.

Lavdëroje me shumë përshëndetje më të dashurin e Tij Muhamedin (a.s) dhe këtë bëje nga thellësia e zemrës sate.

Lutu për prindërit, të varfrit dhe myslimanët e shtypur.

Lutu për fenë dhe ahiretin tënd, duke kërkuar shëndetin e trupit dhe mbrojtjen nga mëkatet.

Thuaj la ilaha ille ente subhaneke inni kuntu min el-dhalimiin, duke synuar pendimin.

Bëj kërkesën tënde dhe le të jetë ajo e pergjithshme dhe e përmbledhur.

Beso me zemër se lutja të është dëgjuar dhe përgjigjja do të të vijë.

Përsërite lutjen deri sa përgjigjja të vijë. Allahu e pëlqen cilësinë e këmbënguljes në atë që është e mirë. Lutja është thelbi i adhurimit, besimit dhe nënshtrimit.