Si fluturat drejt dritës!

Zemrat vërtiten si flutura rreth atij qiriu, rreth atij dielli. Në një të ardhme shumë të afërt, mendjet endacake e të hallakatura që nuk kanë mundur deri tani të vrapojnë për tek ai (a.s.), duke ngecur kështu në rrugë, si miza dimri të vetmuara, do të pendohen dhe duke rrahur pëllëmbët pas gjunjve do të thonë: Pse nuk u bëmë flutura e të vraponim për tek ai (a.s.)?
Por ndoshta për shumë prej tyre, atëkohë cdo gjë do të ketë mbaruar. Njerëzimi do të vrapojë pas tij (a.s.), katedrat shkencore do të bëjnë kërkime rreth tij (a.s.), dhe zemrat e hapura ndaj klimës së mendimit do të bien pas tij (a.s.).
Një pjesë e madhe e armiqve të kthyer në miq do të mblidhen pas tij dhe po mblidhen. Më në fund, sot hz Muhammedi (a.s.) po peshon rëndë edhe në të gjitha peshoret e frontit përballë dhe madhështia e tij po pohoet edhe nga bota armike.
Në një hadith, porosi profetike me gojën e profetit (a.s.) thuhet: “ U peshova me 10 vetë nga të ummetit, bashkësisë sime, dhe erdha më rëndë. Pastaj me 100, me 1 mijë vetë, dhe prapë erdha më rëndë. Pastaj erdhën dy ëngjëj të ngarkuar me detyrë e thanë: “Lëreni , edhe sikur me të gjithë ummetin e tij të matet, më shumë do të peshojë.” (Kadi Ijad, shifa, 1/173.)