Qyteti jozhurmues

Qyteti jozhurmues,

Qyteti që na pret të gjithëve..

e që nuk flet për veten kurrë,

Qyteti që i jep çdo banori jo më shumë se dy metra vend..

Qyteti me barazi të plotë,

Pa zënka, dhe pa polic…

Qyteti i zymtë me krahë të hapura,

Me banorë të moshave të ndryshme,

Po aq i madh sa qyteti që lakmojmë të jetojmë…

megjithëse i mbipopulluar ngelet  i palakmuar nga askush…

çdo gjë është falas, e prapë se shikojmë dot në sy këtë qytet

kryesisht  është i ndërtuar me mermerë të llojeve të ndryshme,

 me dizajne nga më të ndryshme,

por prapë se prapë ngelet vendi i vetëm ku askush nuk mahnitet nga aparenca,

sepse esenca dhe kuptimi i këtij qyteti të kall datën,

Por mos u frikëso or miku im,

Ka një zgjidhje dhe për këtë…

Vetëm një rrugëdalje të vetme të cilën e ndërton ti me duart e tua…

Mjeti për të ndërtuar rrugën ka një kusht, që është besimi në Zot…

Sa më i fortë të jetë besimi dhe mjeti aq më i madh do jetë…

Veprat janë puna e këtij mjeti…

Këtu është vendi ku s’të bën punë miku dhe as ryshfeti secili merr hakun e vet,

“E ç’të kesh bërë sa një grimcë, atë do ta gjesh,”

në ndihmë të vijnë vetëm besimi dhe veprat e mira…

Qyteti i cili ka një shtrat për të gjithë, por secili prehet sipas jetës që ka bërë…

Në ndihmë të vijë vetëm veprat e mira,

Dhe më e rëndësishmja Besimi në Zot…