Roli i vullnetit të lirë në përzgjedhjen e udhëzimit apo devijimit

Nëse Allahu “udhëzon kë të dojë dhe devijon kë të dojë”, atëherë ku është vullneti ynë i lirë dhe vendosmëria jonë?

Udhëzimi dhe devijimi në fakt, janë pasoja të zgjedhjeve që bëjnë njerëzit. Allahu i jep njerëzve atë që dëshirojnë, në sajë të drejtësisë së Tij. Nëse një person është këmbëngulës dhe i qëndrueshëm në besim, Ai ia shton edhe më shumë udhëzimin. Nëse njerëzit insistojnë në të kundërtën e udhëzimit, Ai i jep atë që ata tashmë e kanë zgjedhur për herë të tëra.

Ndërkohë që udhëzimi mund të jetë tërësisht një dhuratë e pastër, për të cilën nuk kemi bërë asgjë për ta merituar, devijimi fitohet pas shumë mundësive të dhëna për të zgjedhur të vërtetën.

Ajetin “Allahu i ka vulosur zemrat e tyre”, Abdullah b. Abbasi (r.a) e komenton në këtë formë: “Ishin ata të parët që i mbyllën zemrat e tyre dhe më pas Allahu i dha atë mbi të cilën insistuan.”