• August 4, 2020

Si kthehet mirësia?

Një ditë, një njeri kishte blerë një qengj. Duke zbritur nga vetura, qengji lirohet dhe fillon të ikë.

I zoti vrapoi pas tij derisa arriti te një shtëpi ku jetonte një grua me jetimët e saj të varfër.

Pronari i qengjit, i cili ishte edhe fqinji i jetimëve, ishte në dijeni për gjendjen e tyre…

Pasi hyri qengji në shtëpi doli te dera nëna e jetimëve dhe sheh fqinjin të lodhur, duke qëndruar para derës.

Ajo filloi ta falënderonte duke menduar se qengji ishte lëmoshë për ta nga fqinji i tyre.

Kur ai vuri re lumturinë në fytyrën e gruas tha: “Allahu e pranoftë! Na fal, o motër, që ju kemi neglizhuar!” dhe iu drejtua Allahut me lutje: “O Allah, pranoje këtë lëmoshë nga unë!”

Ditën tjetër ai doli për të blerë një qengj tjetër dhe pa një tregtar në skaj të rrugës, i cili kishte mbledhur disa qengja. Zgjodhi një, më i shëndoshë se ai që kishte dhënë lëmoshë dhe e pyeti tregtarin për çmimin. Por tregtari në vend që t’i tregonte çmimin, i tha ta merrte dhe të mos fliste më shumë. Ai mbeti pa fjalë.

Tregtari i tha se ky qengj është pa çmim, ngaqë Allahu e kishte furnizuar aq shumë me bagëti këtë vit, saqë ia kishte bërë obligim vetes, si shenjë falënderimi ndaj Allahut, që blerësit të parë t’ia bënte dhuratë.

Postime të mëparshëm

Çfarë ndodh pas infarktit në zemër?

Postime të rradhës

Jeta është një mrekulli