Kthehu te Zoti yt me pendim të sinqertë

Allahu thotë në Kuran: “Ai fal dhe mëshiron shumë.” (Araf, 167)

Muhamedi (a.s) ka thënë: “Sikur ju të mos bënit mëkate, Allahu do të krijonte krijesa që të gabojnë, e pastaj kërkojnë falje”.

“Të gjithë njerëzit janë gabimtarë, por më të mirët e gabimtarëve janë ata që pendohen”.

Një nga shokët e Profetit (a.s) transmeton se e ka dëgjuar atë duke thënë: “Allahu i Madhëruar thotë: “O bir i Ademit, derisa të më thërrasësh Mua dhe të kërkosh ndihmë nga Unë, do të t’i fal çfarë ke vepruar. O bir i Ademit, edhe nëse qofshin mëkatet e tua deri në vranësirat e qiellit dhe ti më pas më kërkon falje, Unë do të të fal ty. O bir i Ademit, nëse vjen tek Unë me mëkatet më të mëdha se Toka, pastaj më drejtohesh duke mos më shoqëruar asgjë, do të vij Unë ty me po aq falje të mëdha”.